Балқаштық пауэрлифтершілер Азия чемпионатынан 10 медальмен оралды

Балқаштық пауэрлифтершілер Азия чемпионатында жеңістің төрінен көрінді. Жерлестеріміздің қоржынына 5 алтын,2 күміс, 3 қола медаль түсті. Оған қоса, 7 азамат спорт шебері атағын иеленді. Алматыда өткен дүбірлі додаға шаһардан әртүрлі салмақ дәрежелерінен 14 пауэрлифтер барды. Араларында кәсіби спортшылармен қатар зілдей темірді жаңадан көтеріп жүрген балқаштықтар да болды. Солардың бірі – Владислав Подоляко.Ол темірді үш түрлі көтеріп, 385 келі салмақты бағындырды. Және сол үшінде спорт шебері дәрежесін иеленді. Ал кәсіби пауэрлифтер Алексей Ногай отырып-тұрып 270 келі кірді көтерді. Осылайша, жерлесіміз төртінші мәрте спорт шебері атанды.

Алексей Ногай – пауэрлифтингтен 4 мәрте спорт шебері
«Азия чемпионатына 500-дей спортшылар қатысты.Жарыста балқаштықтар қаладағы сайыстарға қарағанда жақсы өнер көрсетті. Ең ауыр деген зіл темірлерді көтерді. Көбісі жеке рекордттарын орнатып қайтты».