Балқашта 2 жастағы бала үйде жалғыз қамалып қалды

Балқаштық құтқарушылар бүгін үйде қамалып қалған 2 жастағы баланы алып шықты. Анасы подъезге шығып кеткенде, баласы есікті тартып қалып, құлып автоматты түрде жабылып қалған. Құтқару операциясы Русаков көшесіндегі көпқабатты үйлердің бірінде болды. Өрт сөндіру баспалдағымен құтқарушылар 5 қабатқа көтерілді. Үйде 2 жастағы бала жалғыз. Мамандар терезе арқылы ішке түсіп, подъезде тұрған анасына есікті ашты. Бүлдіршін аман-есен. Тек қатты қорқып қалған.

Алмагүл Жанпеис – Балқаш тұрғыны

«Подъзге шығып, тряпканы сулаймын дедім, сол кезде 2 жастағы балам есікті жауып, ар жақта қалып қойды.  112 ге звондап, сразу жүгіріп келді. Соларға көп рахмет айтамын.

Мамандар аптасына кем дегенде қамауда қалған 2 адамды құтқарады. Осы жарты жылда іштен жабылып қалған  50 есік ашқан. Ал 2017 жылы  осындай 37 жағдай тіркеліпті. Көбінесе балалар және қарт адамдар қамалып қалады екен.