Қазақстанда тегін берілетін дәрілер тізімі кеңейтілді

Қазақстанда тегін берілетін дәрілер тізімі кеңейтілді. Тізім 60 жаңа дәрілік атаумен толықты. Науқастар ақысыз берілетін препараттарға тек 2018 жылдың 1 қаңтарынан бастап қол жеткізеді. Ал, бұл дәрілер артериалдық гипертензия, асқазанның ойық жарасы, тыныс демікпесі, қатерлі ісік, балалардың церебралдық сал ауруы секілді 50 жуық дертке ем болады. Сондай-ақ, тізім ауыр ағымымен сипатталатын Бехтерев ауруымен толықтырылды. Ақысыз берілетін дәрілерге алдағы уақытта 2 млн-нан астам науқас ие болады.