Қарағандылық полицейлер балқаштық жүргізушілерге жөн көрсетті

Құқықтық санатты арттыру мақсатында қалада «Жолда қабылдау» республикалық акциясы өтті.Арнайы автобуспен келген қарағандылық полицейлер жүргізушілердің сұрақтарына жауап беріп, кеңестерін айтты.

Қарағанды облысының ІІД-нің мамандарының айтуынша биыл өңірде жол көлік оқиғалары жиілеп кетті дейді. 2017 жылы тоғыз жолдың торабында орналасқан Алматы-Екатеринбург тас жолында 19 адам көз жұмып, 26 жолаушы ауыр жарақат алды. Ал өткен жылы 5 адам қайтыс болғантұғын. Сондықтан, полиция қызметкерлері автокөлік иелеріне түсіндірме жұмыстарын жүргізді.

Олжас Арынов – Қарағанды обл. ІІД жергілікті полиция қызметінің басшы орынбасары
«Алматы-Екатеринбург республикалық тас жол болғандықтан көліктер көп жүреді. Және онда биыл жол көлік оқиғаларының жиілеп кеткендігі байқалады.Олардың арасында жарақат алғандар мен көз жұмғандарда бар. Сондықтан оны алдын-алу үшін түсіндірме жұмыстары жүргізілуде».

Айта кетейік, жол қауіпсіздігін сақтауға шақырған шараға полицейлермен қатар, оқушыларда белсене ат салысты. Жас жол инспекторлары көл жағалауында ұрандарын айтып, флешмоб ұйымдастырды.