Балқаш көлінде жоғалған балықшының денесі табылды

Судан келген ажал. 4 күн бұрын балыққа шығып хабарсыз кеткен Приозерск қаласы тұрғынының мүрдесі табылды. Денені жергілікті судан құтқару бөлімшесінің мамандары Приозерсктен 15 шақырым қашықтықтан алып шықты. Еске сала кетсек, 50 жастағы балықшы 2 шілде күні «Амур» қайығымен балыққа шыққан. Бір күннен соң үйге оралмағандықтан, туыстары құтқарушыларға хабар берген. Ал 4 мамандар 4 күн бойы іздеу жұмыстарын жүргізді. Және кеше түстен кейін Приозерск қаласының маңынан тапты. Мүрде судың бетінде қайықтың пластикалық багына байлаулы күйінде көлден шығарылды. Бірақ қайықтың өзі табылмады.