Құттықтау Талант немерелері Бекнұр Дарынұлы, Диас Дарынұлы

Сүйікті де сүйкімді Талант немерелері Бекнұр Дарынұлын 2 жасқа толған және Диас Дарынұлын 6 жасқа толған туған күндерімен құттықтаймыз! Алла тағала зор денсаулық, тіл-көзден сақтап, ұзақ өмір берсін!

Бекнұрымыз, тәтті, қызықты қылықтарыңмен жанымызды қуанышқа бөлей бер!

Айналайын, балапаным, құлыным, тәй-тәй басқан қадамың құтты болсын! Пейілің дархан, мінезің кең даладай болсын.

 

Диас баламыз, балдай тәтті балалық шағыңда туған-туысты қызықтырып, сүйсіндіріп жүре бер! Ата-анаңның қуанышы, қызығы бол!

 

2 жаста өмірдің аштың парағын,
Құтты болсын әрбір басқан қадамың.
Сатысында ғұмырыңның биіктеп,
Өмірдің тат бал-шырынды сабағын.

 

Атасының серкесі,
Әжесінің еркесі.
2 жасқа толды бал-бөбек.
Әкесінің серкесі,
Анасының еркесі,
Былдырлайды бал-тілек.

 

Майлы жер болып қонысың,

Мол болсын бақыт, ырысың.

Үлгі болып халыққа,

Риза қылсын әр ісің.

 

Бақ берсінші өмірің тек басыңа,
Денсаулығың мықты болсын тасыма.
Азамат бол «елім» деген қайырымды,
Жан боташым, қиындықта жасыма.

 

Т/б: нағашы ата-апасы: Ерлан – Зоя

ата-апасы: Талант – Қорлан

ағасы – Айдын

апатайы – Асылтас