Балқаш жаңалықтары 17 мамыр 2017

Шұбар Түбек кентінің маңында ауди мен фургон соқтығысып, бір адам көз жұмды. Оқыс оқиға кеше кешкілік 9 дарда болған.

Қатты желдің салдарынан өрт оқиғасы орын алды. Балқаш-1 бекетінде орналасқан үй толығымен жанып кетті. Абырой болғанда, баспана енді салынып жатқандықтан онда ешкім болмаған.

Балқаш тұрғыны орталық ауруханамен соттасып 500 мың теңге ақшаны өндіріп алды. 62 жастағы науқас денсаулығына шағым айтып барып, мүгедек болып қайтқан.

Сал ауруына шалдыққан кішкентай Мединаға тағы да көмек керек. Ата-анасы 6 жастағы бүлдіршінді Қытайға апарып емдетпек.

Терорлық қауіпке байланысты былтыр өткізілмеген, мектеп бітіру кеші биыл барша сән-салтанатпен аталып өтеді. Тіпті түлектер көптен күткен шараның өтетін орны да өзгерді.

ҰБТ-басталғалы бері басынан дау арылмай келе жатқан жүйелердің бірі. Сұрақтардың ішінде Баян Есентаева, Роза Рымбеваның жеке өміріне қатысты сауалдарда кездескен болатын. Білім және ғылым министрі оқушылар бәрінен хабардар болу керек деп ақталғанымен, кейін бұл олқылықтар жойылды.

Ең үздік такси жүргізушісі! Қаламызда осындай атаумен байқау жарияланды. Әзірге өзін сынап көрмек болған 7 тұрғыннан қатысуға өтініш келіп түскен.