Балқаштықтар бір жылда 11 жаңа көлік мінген

Биыл қазақстандықтар жаңа көлік алу үшін 273 миллион доллар жұмсаған. Бұл сомаға 11 мың темір тұлпар сатылып алынған. Мұндай мәліметті Қазақстанның автокөлік саласы кәсіпорындар одағы жариялады. 4 айдың қорытындысына сәйкес, су жаңа автомобильдердің 8 мыңға жуығы шетелден әкелінген. Ал, 3 мыңнан астамы отандық өнім. Статистика көрсеткендей, қазақстандықтар көбінесе Toyota көлігіне қызығады екен. 4 айда 2 290 адам осы марканы таңдаған. Екінші орында Lada автомобилі. Қаңтар мен сәуір аралығында бұл көліктің 1 912 данасы сатылған. Үздік үштікті 856 данамен Renault қорытындылайды. Ал, Балқашта осы жылы жаңадан 11 көлік әкелінген.