Балқаш жаңалықтары 27 сәуір 2017

Аса ірі көлемдегі героин және марихуанамен қолға түскен балқаш тұрғыны сотталды. Есірткіні сақтаған 24 жастағы келіншек қалалық соттың шешімімен 3 жарым жылға темір торға тоғытылды.

Енді көлік, пәтер және жер салығын төлеуді ұмытпайтын боласыз. Мамандар ескертудің жаңа әдісін ойлап тапты. Шілдеден бастап әр адамның электронды поштасына немес ұялы телефонына міндетті төлемді өтеу туралы хат жіберіледі.

Әскери комиссиариат маңында жеміс бағы пайда болды. Қазір онда шие және қарақат талы бүршік жарып тұр. Жақында олардың қатарына алма ағашы қосылмақ.

Алдағы үш күнде ауа райы өзгеріп, күн суытады.Еліміздің солтүстік және орталық аймақтарында арктиканың суық фронттарының әсерінен күн –жаңбырлы ,найзағайлы, екпінді желді болады.

1 мамыр береке, бірлік бастауы. Елді татулыққа үндейтін мейрам қарсаңында мүмкіндігі шектеулі балалардың қатысуымен шығармашылық кеш өтті.

Балқаштық өрт сөндірушілер тек өз қызметтеріне ғана емес сондай-ақ спортқа да бейім. Қаладағы №45 өрт сөндіру бөлімі баскетболдан өткен облыстық жарыста бірінші орын алды.