Қазақстаннан шыққан 6-шы ғарышкер Балқаш қаласының тумасы

Бүгін дүниежүзілік авиация және космонавтика күні. 1961 жылы 12 сәуірде адамзат үшін ғарыш дәуірі басталды. Ал Қазақстаннан ғарышқа ұшқан азаматтар қатарында жерлесіміз Юрий Лончаков бар. Ол 1965 жылы 4 наурызда Балқашта дүние келген. Бастауыш сыныпты осында оқып, мектепті Ақтөбе қаласында тәмамдаған. Кейін Орынбордағы жоғарғы әскери ұшқыштар училищесін бітіріп, 1986-1995 жылдары теңіз авиация бөлімдерінде , әуе қорғаныс ісінде қызмет атқарған. Ал космонавтар қатарына 1998 жылы қабылдып, елімізден шыққан 6-шы ғарышкер атанды. Жалпы ашық аспанға үш рет ұшқан. Әскери шені- полковник.Ақтөбе облысының құрметті азаматы. Үш Ресей медалімен марапатталған. 2004 жылы «Ресей батыры » атағын иеленген. Қазіргі күні Мәскеудегі Гагарин атындағы ғарышкерлерді дайындаудың Ғылыми-зерттеу орталығының басшысы міндетін атқарады.