Балқаштықтарды «Мәңгілік полк» шеруіне қатысуға шақырады

Мәңгілік өшпес полк! 9 мамыр күні Балқашта Отан үшін ұрыс даласында жан қиған майдангерлер мен бейбіт өмірді сыйлаған жандарды еске алу мақсатында осындай шеру ұйымдастырылады. Шара Ұлы Жеңіс күні Желтоқсан көшесінде сағат 9:00 өтеді. Ал оған ниет білдірушілердің барлығы қатыса алады. Ол үшін тек қаза болған майдангердің фотосуреті және аты-жөні жазылған тақтайшаны дайындау қажет.Содан кейін оны ардагерлердің балалары, немерелері, шөберелері жоғары көтеріп бұқарамен бірге мәңігілік алауға дейін жүріп өтуі керек.Айта кетейік, бүгінгі күні «Мәңгілік полк»акциясына 100-ге тарта жас буын өкілдері қатысуға өтініш білдірді.

Мадина Базылова- Балқаш жастары ресурстық орталығының маманы
« Аталмыш шеруге қатысу үшін туған-туысқандарының, әкелерінің ,аталарының суретерін А3 немесе А4 форматындағы шығарып алу керек.9 мамыр  күні  Желтоқсан көшесіндегі алаңға жиналып, мәңгі алауға дейін бірге шеруге шығамыз».