Балқашта әйелдерге арналған оңалту орталығы өз жұмысын қайта бастады

Балқашта әйелдерге арналған оңалту орталығы өз жұмысын қайта бастады. Енді онда тұрмыстың тауқыметін көріп, қиын жағдайға тап болған қыз-келіншектерге тегін көмек көрсетілетін болады. Шашубай мөлтек ауданында нөмір 24 үйдегі бұрыңғы «Көмек»деп аталған орталық қазір «Мир добра» болып өзгертілді. Бұдан былай тұрмыстық жағдайда зорлық-зомбылық көрген әйелдер 5 бөлмелі орталыққа келіп,10 күнге дейін тегін тұруларына рұқсат.Онда әйелдер гигиеналық заттардан өзге күніне екі рет тамақтанады.Және осы уақыт аралығында қыз-келіншектерге психологиялық, заңдылық- құқықтық тұрғыдан білікті мамандар көмек беруге дайын. Әлеуметтік бейімдеу орталық 24 сағат бойы үзіліссіз жұмыс істейді. Сондықтан кез –келген уақытта 5-33-45 нөміріне қоңырау шалуға болады. Айта кетейік, жұмысын жаңа бастаған орталық көмегіне әзірше 15 шақты әйел жүгініп, 2 келіншек тұрып жатыр.

Руслан Кван- Әйелдерге арналған оңалту орталығының директоры:«Біздің орталық тұрмыс тауқыметін көрген қыз-келіншектерге көмек беруге дайын.24 сағат бойы жұмыс істейміз. Орталық 10 –ға жуық әйелді қабылдап, 10 күнге дейін жатын орын, тамақ береді».