Балқаш жаңалықтары 9 наурыз 2017

Мерекелік демалыс төтенше оқиғасыз өтпеді. Молдағұлова көшесіндегі көпқабатты үйдің алдында 37 жастағы тұрғынды атып кетті.

Көліктерге техникалық жұмыстар жасайтын орталықта өрт болды. Оның маңында орналасқан кәуап жасайтын дүңгіршек түгі қалмай жанды.

Қандай да бір қатердің алдын-алу мақсатында «Көктем 2017» оқу- жаттығу шарасы бастау алды.

«Үндемей қалма» қоғамдық қорында сенім телефоны пайда болды. Енді зорлық көргендер, педофилдың құрбаны болғандар көмек сұрап, хабарласа алады.

Халыққа қызмет көрсету орталығында жаңа қызмет пайда болады. Енді олар құжаттардың дайын болғандығын смс арқылы хабарлайды.
Қарағанды облысында сібір жарасын жұқтырған жануарлар көмілген жерлерді қоршау қолға алынды.