Балқаш жаңалықтары 28 тамыз 2017

Із түссіз кеткен балықшылардың денелері табылды. Екі тұрғынның мүрделері араға 7 күн салып судан шығарылды.

Балқашта бала туу көрсеткіші көбейгенімен, өлімде азаяр емес.Жыл соңына дейін қалалық ауруханада жаңа МРТ аппараты пайда болмақ.

Балқашта мұғалімдер тапшы.Өңірдегі 18 тәрбие ошағында балаларға бағыт-бағдар беретін 60 –тан аса маман иелері жетіспейді.

Мектеп реформасындағы өзгерістер. Биылғы оқу жылынан бастап 2,5 және 7 сынып оқушылары жаңа бағдарламаға сәйкес білім алады. Бұл үш сынып 5 күн оқып, үй жұмыстарын аз жасайтын болады.

30 тамыз Ата заң күніне орай кейбір балқаштықтар ақшалай көмекке ие болады. Мерекелік жәрдемақы мүмкіндігі шектеулі жандар мен 70 жастан асқан зейнеткерлерге табысталмақ.

Тарихи құжаттың көшірмесі балқашқа жеткізілді. Қалалық мұрағаттың қоры 1995 жылы алғаш рет бекітілген конститутциялық заңның қағазымен толықты.

Балқаш қаласының құрметті тұрғындар қатары көбейді. Жергілікті депутаттар 15 үміткердің ішінен үш азаматты таңдап, құрметті атағын ұсынды.

Мал соятын жерлердің қызмет бағасы өзгерді. Биыл ұсақ төрт түліктерді сою құны 200 теңгеге, ірі қараларды жіліктеу 2000 теңгеге қымбаттады.

Өлмейтұғын артына із қалдырған Абай Құнанбаев. Бүгін ұлы тұлғаның өлеңдері түрлі тілде шырқалды.