Балқаштықтар жағдайы төмен 60 оқушыны киім-кешекпен қамтамасыз етті

Шаһарда көмекке мұқтаж оқушыларды қолдау жалғасуда. Бүгінгі күні «Мектепке жол» акцисы  аясында 60 балаға оқуға қажетті заттар сатып алынды. Жалпы, республикалық қайырымдылық шара 1 — тамызда басталды. Үш аптаның ішінде қалалық білім бөліміне 34 ата-ана жүгініп, 60 балаға көмек керек деп өтініш жазғантын. Олардың хатын жерге тастамаған жомарт жандар қол ұшын беруден аянбады. Нәтижесінде, жаппай оқу қоры мен балқаштықтардан 1 млн-нан артық ақша жиналды. Оған 60 оқушы киім-кешек пен оқуға қажетті жабдықтармен қамтамасыз етілді.

Ольга Садвокасова – қалалық білім бөлімінің бас маманы: «Мектепке жол акциясы мұнымен аяқталмайды. Шара 30 қыркүйекке дейін жалғасатын болады. Біз мұқтаж отбасылардан өтініштерді қабылдаймыз. Және көмек беремін деген адамдар да жүгіне алады».