Балқашта ірі қара мен ұсақ малдарға екпе егу науқаны басталды

Балқашта ірі қара мен ұсақ малдарға екпе егу науқаны басталды.Ол үшін республикалық қордан сібір жарасына қарсы 11 мың доза дәрі-дәрімек әкелінді. Қазіргі күні ветеринарлар Саяқ пен Гүлшат кентінде жұмыстарды бастап, 400 малдан қан алды. Енді оларды тексерген соң, бірыңғай базаға кіргізеді. Содан кейін сібір жарасына қарсы екпе егіледі. Сондай-ақ жақын күндері 500-ге жуық ит «құтырма» мен 160 түйе «оба» атты аса қауіпті дертке қарсы вакцинаны қабылдайтын болады. Мұндай санитарлық-ветеринарлық жұмыстарға жергілікті бюджеттен 8 млн. теңге қаржы бөлінді.

Самат Молдабеков – қалалық ветеринария бөлімінің жетекшісі «Қазір Саяқ, Гүлшат кенттерінде жұмыстар жүргізіліп жатыр.Қан алу, туберкулезге қарсы қан алу, сібір жарасына қарсы егу жұмыстары.Бұл жұмыстар қараша айына дейін жалғасады».