Балқашта Қазақстан халық Ассамблеясына арналған мәдени бұрыш ашылды

Бір шаңырақ астында. Балқашта Қазақстан халық Ассамблеясына арналған мәдени бұрыш пайда болды. Еліміздегі достықтың нышанын сипаттайтын көрме Қоңырат мөлтек ауданындағы нөмір №5 кітапхана филиалында салтанатты түрде ашылды. Оған мемлекеттік қызметкерлер мен этно орталықтардың өкілдері жиналды. Әрбірі қуанышты тілегін айтып, көрмені тарихи кітаптармен толықтырды. Барлығы 50 жуық оқулық оқырманның назарына қойылды. Онымен қоса, әртүрлі ұлттың киімдерін киген қуыршақтар шаңырақ кипіндегі көрменін сәнін келтірді. Айта кетейік, оны кітапхана методистері өздері тігіп, үш күнде дайындап шығарды.

 Анна Фердерер- Неміс этно-мәдени орталығының өкілі:«Әрине, Қазақстан халық Ассамблеясына арналған көрменің ашылғанына қуаныштымыз. Біз өз тарихымыздан өзге басқа ұлттар жайлы оқып-білетін боламыз. Қолымыз бос кезде келіп, көрмені толықтырып отыруға тырысамыз».