Балқашта кәмелеттік жасқа толмағандарға ішімдік сатқан сатушылар ұсталды

Балқашта кәмелеттік жасқа толмағандарға ішімдік сатқан сатушылар ұсталды. Заңды белшесінен басқандар онымен қоймай кешкі 9 дан кейін де алкагольдік өнімдерді саудалаған. Екі аптаға созылған рейд кезінде әрбір екінші дүкеннің заң бұзатыны анықталды. Қазақстанда 2014 жылдан бастап кешкі 9 дан түскі 12 ге дейін ішімдік сатуға тиым салынған. Алайда, тексеріс кезінде бұл ережені сақтамаған 4 сауда нүктесі анықталды. Нәтижесінде, қылмыс үстінде қолға түскен сатушыларға 20 мың теңгеден астам айыппұл төлеу міндеттелді. Сонымен бірге, кәмелеттік жасқа толмаған балаларға ішімдік сатқан тағы 4 саудагер құрықталған. Енді оларда 20 мыңнан астам айыппұл төлеулері тиіс.

Ержан Разиев – жергілікті полиция қызметі басшысының орынбасары
«Сонымен қатар бұл жұмыс әлі де жалғастырылады. Сол себепті дүкен иелерін әкімшілік кодекстің 200бабына сәйкес жауапқа тартылатындығы жөнінде хабардар етемін».