Балқаш жаңалықтары 25 мамыр 2017

Балқаштық тұрғынды ата-анасы екі баласымен бірге үйден қуып шықты. Біздің редакциямызға көмек сұрап келген әйелді Көмек кризистік орталығы қабылдады. Бірақ, ол онда тек 10 күн ғана тұра алады.

Міндетті медициналық сақтандыру-уақыт талабы. Бүгін ол жүйе қалай жұмыс істейтінін облыстан келген маман жергілікті дәрігерлер мен бизнесмендерге түсіндірді.

Зейнеткерлер мен мүгедектерді және түзету мекемесінен босап шыққандарды әлеуметтік жұмыс орындарына алады.

«Болашақ» халықаралық стипедиясына құжаттарды қабылдау мерзімі бекітілді. Үміткерлер өтініштерін 29 мамырдан бастап өткізе алады.

Балқашта 6 адам ізтүссіз кеткендердің қатарында жүр. Олардың арасында әйел адамда бар.Оның екеуі былтыр, кейбірі 8 жыл бұрын үйден шығып кетіп сол беті оралмаған.

Балқаштық полицей облыстық сайыста жеңіске жетті. Қарағандыда жол-патруль қызметінің үздік инспекторлары байқауы өтті.

Республикалық чемпионатта өнер көрсеткен боксшы Ерасыл Ермек жүлдемен оралды. Жерлесіміз 52 келіде бақ сынаған 8 баланың ішінде үшінші орын алды.

Мектеп бітіруші түлектер үшін соңғы қоңырау соғылды! Балқашта 260-тан астам ұл-қыз алтын ұяларымен қоштасып, үлкен өмірге қанат қақты.