Балқаштық тұрғын «Сиқырлы ас үй» бағдарламасына қатысты

Балқаштық тұрғын «Хабар» арнасындағы тек жұлдыздарды ғана шақыратын «Сиқырлы ас үй» бағдарламасына қатысты. Айнұр Жолдасбаева Instagram әлеуметтік желісіндегі байқаудан жеңіп алып, аталмыш бағдарламаға шақырту алған. Байқаудың шарты бойынша ерекше тағам әзірлеу керек болады. Айнұр араб бешбармағы мен шаһ палауын дайындап, көзге көріне біледі. Ал студияда аспазбен бірге «қызыл барқыт» торты мен дәруменді салат дайындау тәсілін көрсетті.