Қарағанды облысында су тасқынына байланысты көлік қозғалысы шектетілді

Қарағанды облысында су тасқынына байланысты көлік қозғалысы шектетілді, -деп хабарлайды «Қазавтожол» РМК баспасөз қызметі.
Қарағанды облысында орын алған су тақыны Республикалық маңызы бар жолдарды шайып кетті. Соның салдарынан, «Ақшатау-Ақадыр» (90-167 шақырым) жолында көліктің барлық түріне қозғалыс шектелді. Тек «Қарағанды-Ақсу-Аюлы-Ақадыр» айналма жолы арқылы өтуге мүмкіндік бар.
Бұдан бөлек ШҚО, Павлодар және ОҚО-ның республикалық маңызы бар жолдарындағы түрлі учаскелерде су тасқынына байланысты көлік қозғалысы шектелді.
ШҚО-да «Семей-Қайнар» тас жолында көліктің барлық түріне қозғалыс шектелді. Айналма жол — «Семей-Қарауыл» жолы арқылы.
Павлодар облысында Қалқаман-Баянауыл-Керней-Ульяновский» жолының Майкиннен Баянауылға дейінгі бөлігінде (101 шақырымды су шайған) көліктің барлық түріне қозғалыс шектелді.
ОҚО-да «Самара-Шымкент» күре жолында (2217-2235 шақырым, 2229 шақырымды су шайған) көліктің барлық түріне қозғалыс шектелді. Айналма жол — Темірлан ауылы арқылы.
Бұл учаскелерде су өткізу құбырлары бар, нығайту жұмыстары жүріп жатыр. Ескерту белгілері, сигналды бағандар қойылды. Тәулік бойы кезекшілік жұмыс істейді.