Балқаштықтар кикбоксингтен өткен Республикалық чемпионаттан жүлдемен оралды

Қарағанды қаласында кикбоксингтен өткен Республикалық жарыста Балқаш қаласының намысын қорғаған екі бала жүлдемен оралды. №8 мектептің 9- сынып оқушысы Нұрлан Айбат ІІ орынды иеленсе, Балқаш гуманитарлық техникалық колледжінің І курс студенті Боранбайұлы Аян ІІІ орынды қанағат тұтты. Шахтерлер қаласындағы чемпионатқа 14-15 жас аралығында 300-ге тарта спортшы бақ сынасты. Оның алтауы қаламыздың намысын қорғап қайтты. Енді жүлдеге ие болған кикбоксшылар спорт шеберлігіне үміткерлердің қатарынан көріну үшін тер төгуі керек.