Еліміз бойынша, ардагерлер ерлігін ұлықтайтын 1945.kz сайты іске қосылды

Биыл Ұлы Отан соғысының аяқталғанына 75 жыл толады. Алайда балқаштықтар жылдағыдай жеңіс шеруін мәңгілік алау басында өткізе алмайды. Есесіне еліміз бойынша жүргізіліп жатқан онлайн шеруге қатысуға мүмкіндік бар. Еліміз бойынша, ардагерлер ерлігін ұлықтайтын 1945.kz сайты іске қосылды. Жоба жетекшілері сайтта Ұлы Отан соғысына қатысқан майдангерлер мен тылда еңбек еткендердің өмір жолынан сыр шертер естеліктерді жариялауда. Сіз де дәл осылай, кейіпкеріңіз жайлы мәліметтерді жинақтап, жазыңыз да 1945.KZ сайтында жариялаңыз. Отты жылдар естелігін @ARDAGERBOT ТЕЛЕГРАМБОТ арқылы да жіберуге болады. Айта кетейік, бұдан бөлек әлеуметтік желіде #AtamnynAmanaty75 челленджі жүріп жатыр, мұнда қазақстандықтар ардагерлердің өмір жолын баяндап, арнау оқиды.