Төтенше жағдай режимін қамтамасыз ету бойынша күнделікті мәлімет

2020 жыл 30 наурыздағы мониторинг бойынша Балқашқа Алматыдан кірер жолдағы санитарлық посттан 1367 автокөлік құралы тексерілді. Оның 10-ы шетел көлігі. 1510 адам тексерілді. Дене қызуы бар адамдар анықталмады. 52 адамға сауалнама жүргізілді.

Мобильдік топ 30 наурыз күні сағат 22.00-ден 01.00-ге дейін төтенше жағдай режимінің сақталуын тексеру үшін, 4 қоғамдық тамақтану нысандарына, 21 және 17 кварталдағы азық-түлік дүкендеріне рейдке шықты. Рейд барысында тәртіп бұзушылық анықталған жоқ.

30 наурыз күні сағат 11:02 кезінде жергілікті полиция қызметінің тексеруі барысында Балқаш қ., 10 ш.а. 14, мекен-жайы бойынша орналасқан «Еділ» дүкенінде кемшіліктер анықталған. Сатушы жұмыс орнында медициналық қолғапсыз болған. Дүкен иесіне қатысты әкімшілік хаттама толтырылды. Істі Балқаш қ. арнайы мамандандырылған әкімшілік сотқа жіберу жоспарлануда.