Балқаштық бишілер Халықаралық конкурстың жеңімпазы атанды

Балқаштық бишілер Халықаралық конкурстың жеңімпазы атанды. Шығармашылық фестиваль Алматы қаласында өтті. Оған 7-13 жас аралығындағы Өзбекстан, Нұр-сұлтан, Қарағанды, Ақтөбе, Ақтау және Балқаш қалаларынан келген 70-ке жуық бала қатысты. Сайыста «Ақ Маржан» хореографиялық ұжымының 2 тобы шаһарымыздың намысын қорғады. Балқаштық бүлдіршіндер құрамы «Ковбой» биін билеп, Гран приге ие болды. Ал ұжымның ортаңғы тобы мысыр биі үшін 1 орынды қанжығаларына байлады. Ансамбльдің қатысушысы Тамерис Серікхан болса, жеке өнер көрсеткен үшін үздік атанды. 

Тамерис Серікхан – «Ақ Маржан» ансамблінің әртісі: «Біз конкурсқа 1 жылдай дайындалдық десем де болады. Және де конкурстың алдында өте қатты қобалжыдым. Себебі мен сольный биіммен бірінші рет шықтым. Орын аламын деп ойлаған жоқпын. Бірақ қазір қуаныштымын орын алғаныма»