Қазақстандықтар наурызда неше күн демалады

Қазақстандықтар наурыз айында 13 күн демалады, деп хабарлайды Today.kz egov.kz сайтына сілтеме жасап.

Осы жылы халықаралық әйелдер күні бейсенбіге түсіп тұр. ҚР Үкіметінің шешімімен 9 наурыз жұмыс күні сенбі, 3 наурызға ауыстырылады. Нәтижесінде қазақстандықтар 8-інен 11 наурызға дейін төрт күн демалады.

Наурыз 21-23 наурыз аралығында тойланады. Бұл күндер сәрсенбі, бейсенбі және жұмаға түсіп тұр. Бәрін қосқанда 5 күн демалыс болмақ.

Аптаның демалыс күндерімен қоса есептегенде наурыз айында қазақстандықтар 13 күн демалатын болады.